പാകിസ്ഥാനില് ഭൂചലനം. റിക്ടര് സ്കെയിലില് 5.8 തീവ്രതയാണ് രേഖപ്പെടുത്തിയത്. പാകിസ്ഥാനിലെ പെഷവാര്, ഇസ്ലാമാബാദ്, ലാഹോര് എന്നിവിടങ്ങളിലും ഉത്തരേന്ത്യയുടെ മിക്ക ഭാഗങ്ങളിലും നേരിയ ഭൂചലനം അനുഭവപ്പെട്ടു. പാകിസ്ഥാനിലെ കരോറില് നിന്ന് 25 കിലോമീറ്റര് തെക്ക് പടിഞ്ഞാറാണ് ഭൂചലനത്തിന്റെ പ്രഭവകേന്ദ്രം. ഭൂചലനത്തിന്റെ ആഴം 33 കിലോമീറ്ററാണ്. എന്നാല്, ആളപായമോ വസ്തു നാശനഷ്ടമോ ഇതുവരെ റിപ്പോര്ട്ട് ചെയ്തിട്ടില്ല.
അതേസമയം, ഇന്ത്യയില് ഉത്തര്പ്രദേശ്, രാജസ്ഥാന്, ഹരിയാന, പഞ്ചാബ്, ജമ്മു കശ്മീര് എന്നിവിടങ്ങളില് നേരിയ തോതില് ഭൂചലനം അനുഭവപ്പെട്ടു. പെട്ടെന്നുള്ള ഭൂചലനം അഫ്ഗാനിസ്ഥാനെയും ബാധിച്ചു. രണ്ടാഴ്ചയ്ക്കിടെ ഇത് രണ്ടാം തവണയാണ് ഡല്ഹിയിലും സമീപ പ്രദേശങ്ങളിലും നേരിയ ഭൂചലനം അനുഭവപ്പെടുന്നത്. ആഗസ്റ്റ് 29 ന്, ഭൂമിയുടെ ഉപരിതലത്തില് നിന്ന് 255 കിലോമീറ്റര് താഴ്ചയില് അഫ്ഗാനിസ്ഥാനില് 5.7 തീവ്രത രേഖപ്പെടുത്തിയ ഭൂചലനം ഉണ്ടായി.
