തിരുവനന്തപുരം : വിദ്വേഷ പരാമര്ശത്തില് എസ്എന്ഡിപി യോഗം ജനറല് സെക്രട്ടറി വെള്ളാപ്പള്ളി നടേശനെ പരോക്ഷമായി വിമര്ശിച്ച് സിപിഎം. മതനിരപേക്ഷ സംസ്കാരത്തിന് പോറലേല്പ്പിക്കുന്ന ഇടപെടലുകള് ആരുടെ ഭാഗത്ത് നിന്നുണ്ടായാലും ജാഗ്രത പാലിക്കണം. മതവൈര്യം ഉണ്ടാക്കുന്ന തരത്തില് പ്രശ്നങ്ങള് അവതരിപ്പക്കരുതെന്നും വെള്ളാപ്പള്ളി നടേശന്റെ പേര് പരാമര്ശിക്കാതെ പുറത്തിറക്കിയ പ്രസ്താവനയില് പറയുന്നു.
സിപിഎം സംസ്ഥാന സെക്രട്ടറിയേറ്റിന്റേതാണ് പ്രസ്താവന പ്രസ്താവനയുടെ പൂര്ണരൂപം കേരളത്തിന്റെ മതനിരപേക്ഷ സംസ്കാരത്തിന് പോറലേല്പ്പിക്കുന്ന ഇടപെടലുകള് ആരുടെ ഭാഗത്ത് നിന്നുണ്ടായാലും അതിനെതിരെ ജാഗ്രത പുലര്ത്തണമെന്ന് സി.പി.ഐ (എം) സംസ്ഥാന സെക്രട്ടറിയേറ്റ് പ്രസ്താവനയില് പറഞ്ഞു.
കേരളത്തിലെ എല്.ഡി.എഫ് സര്ക്കാര് കേന്ദ്ര സര്ക്കാരിന്റെ തെറ്റായ നയങ്ങള്ക്കെതിരെ ബദല് നയങ്ങളുയര്ത്തി മുന്നോട്ടപോവുകയാണ്. എല്ലാ വിഭാഗം ജനങ്ങളും അനുഭവിക്കുന്ന അവശതകള് പരിഹരിക്കുന്നതിനുള്ള നിലപാടുകള് സ്വീകരിച്ചുകൊണ്ടാണ് പ്രവര്ത്തിക്കുന്നത്. സാമൂഹ്യ നീതിയും, മതനിരപേക്ഷതയും ആ നയത്തിന്റെ അടിസ്ഥാനവുമാണ്.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ഈ
ലിങ്കില് ക്ലിക്ക് ചെയ്യു
