പൊങ്ങ് കഴിക്കാന് ഇഷ്ടമില്ലാത്തവര് ഉണ്ടാവില്ല. എന്നാല് ഈ പൊങ്ങിന് ഒത്തിരിഗുണങ്ങള് ഉണ്ടെന്ന കാര്യം നിങ്ങള്ക്ക് അറിയാമോ? പൊങ്ങിന്റെ ഗുണങ്ങള് ഏറെയാണ്. പണ്ട് കാലത്ത് നമ്മുടെ മുത്തശ്ശിമാര് പൊങ്ങിന് ഏറെ പ്രാധാന്യം നല്കിയിരുന്നു. ഇത് അത്ര നിസാരമായ ഒരു ഭക്ഷണമല്ല. ശരീരത്തിന് ഗുണകരവും ഫലപ്രദവുമാണ്.
പൊങ്ങിന്റെ പ്രധാന ഗുണങ്ങള്:
ദഹനം മെച്ചപ്പെടുത്തുന്നു: പൊങ്ങ് ദഹനവ്യവസ്ഥയെ തണുപ്പിക്കുകയും അസിഡിറ്റി, ഗ്യാസ്ട്രൈറ്റിസ് തുടങ്ങിയ ദഹന സംബന്ധമായ അസുഖങ്ങളെ ശമിപ്പിക്കാന് സഹായിക്കുന്നു.
ജലാംശം നല്കുന്നു: മുളപ്പിച്ച തേങ്ങയില് കാണപ്പെടുന്ന ജെലാറ്റിനസ് പദാര്ത്ഥം ജലാംശം നല്കുന്നതായി കണക്കാക്കപ്പെടുന്നു. കൂടാതെ ഇലക്ട്രോലൈറ്റുകള് നിറയ്ക്കുകയും ജലാംശത്തിന്റെ സ്വാഭാവികത നിലനിര്ത്തുന്നു.
പോഷകസമ്പന്നം: വിറ്റാമിനുകള്, ധാതുക്കള്, അമിനോ ആസിഡുകള്, ആന്റിഓക്സിഡന്റുകള് എന്നിവയുള്പ്പെടെ അവശ്യ പോഷകങ്ങളാല് സമ്പന്നമാണ് പൊങ്ങ്.
ഊര്ജ്ജം നല്കുന്നു: പൊങ്ങില് അടങ്ങിയിരിക്കുന്ന പ്രകൃതിദത്തമായ പഞ്ചസാരയ്ക്ക് വേഗത്തിലുള്ള ഊര്ജ്ജ സ്രോതസ്സ് നല്കാന് കഴിയും. ക്ഷീണം അല്ലെങ്കില് കുറഞ്ഞ ഊര്ജ്ജ നിലയെ ചെറുക്കുന്നതിന് അനുയോജ്യമായ ലഘുഭക്ഷണം.
രോഗപ്രതിരോധ ശക്തി വര്ധിപ്പിക്കുന്നു: ആന്റിവൈറല്, ആന്റിബാക്ടീരിയല്, ആന്റി ഫംഗല് ഗുണങ്ങള് ഉള്ളതിനാല് അണുബാധകളില് നിന്നു സംരക്ഷണം ഏകുന്നു.
ചര്മത്തിന് നല്ലത്: ചര്മത്തിലെ ചുളിവുകള് അകറ്റുന്നതിന് സഹായിക്കുന്നു.
എന്നാല് പൊങ്ങ് കഴിക്കുമ്പോള് ശ്രദ്ധിക്കേണ്ട ചില കാര്യങ്ങളുമുണ്ട്:
പൊങ്ങ് ആരോഗ്യകരമാണെങ്കിലും അമിതമായി കഴിക്കുന്നത് നല്ലതല്ല. കാരണം ഇതില് കലോറിയും പ്രകൃതിദത്ത പഞ്ചസാരയും അടങ്ങിയിട്ടുണ്ട്.
പൊങ്ങ് ഉപയോഗിക്കുന്നതിന് മുന്പ് ശരിയായി വൃത്തിയാക്കിയെന്ന് ഉറപ്പാക്കുക.
