ബിപോര്ജോയ് ചുഴലിക്കാറ്റ് ഗുജറാത്ത് തീര തൊട്ടു. ചുഴലിക്കാറ്റിന്റെ സ്വാധീന ഫലമായി മേഖലയില് ശക്തമായ കാറ്റും കടല്ക്ഷോഭവും മഴയുമാണ് അനുഭവപ്പെടുന്നത്. ഇന്ന് അര്ധരാത്രി വരെ ചുഴലിക്കാറ്റ് തീവ്രതയോടെ വീശും. ഇതുവരെ ഒരു ലക്ഷത്തോളം പേരെ പ്രദേശത്ത് നിന്ന് ഒഴിപ്പിച്ചിട്ടുണ്ട്.
മണിക്കൂറില് 115 മുതല് 125 കിലോമീറ്റര് വേഗതയിലാണ് ബിപോര്ജോയ് ചുഴലിക്കാറ്റ് വീശിയടിക്കുന്നത്. കാറ്റഗറി മൂന്നില്പെടുന്ന അതി തീവ്ര ചുഴലിക്കാറ്റായി എത്തുന്ന ബിപോര്ജോയുടെ സഞ്ചാരപാതയില് നിന്ന് ഒരു ലക്ഷം പേരെ ഒഴിപ്പിച്ച് സുരക്ഷിത കേന്ദ്രങ്ങളിലേക്ക് മാറ്റിയിരിക്കുകയാണ്. ഗുജറാത്തിന്റെ തീരാ മേഖലയിലെ എട്ടു ജില്ലകളിലെ 120 ഗ്രാമങ്ങളില് കാറ്റ് കനത്ത നാശമുണ്ടാക്കും എന്നാണ് മുന്നറിയിപ്പ്. മൂന്നു സൈനിക വിഭാഗങ്ങളും സര്വ്വസജ്ജരായി നിലയുറപ്പിച്ചിട്ടുണ്ട്. ഭക്ഷണവും മരുന്നുമായി മൂന്നു കപ്പപ്പലുകള് നാവികസേന ഒരുക്കി നിര്ത്തിയിട്ടുണ്ട്. ഗുജറാത്തിന്റെ തീരമേഖലയില് വ്യോമ, റെയില്, റോഡ് ഗതാഗതം നിര്ത്തി വെച്ചിരിക്കുകയാണ്.
ഗുജറാത്തിലെ കച്ച്, ദേവ്ഭൂമി, ദ്വാരക, ജാംനഗര് മേഖലകളിലാണ് അതിതീവ്ര മഴ മുന്നറിയിപ്പ് ഇതുവരെ നല്കിയിരിക്കുന്നത്. പോര്ബന്ദര്, രാജ്കോട്ട്, മോര്ബി, ജുനഗഡ് മേഖലകളില് ശക്തമായ മഴ പെയ്യുമെന്നും മുന്നറിയിപ്പുണ്ട്.
ഇതില് കച്ച് മേഖലയിലാണ് കൂടുതല് ഒഴിപ്പിക്കല് നടന്നത്. ഏതാണ്ട് അര ലക്ഷത്തിലധികം ആളുകളെ ഇവിടെ നിന്ന് മാത്രം മാറ്റിയിട്ടുണ്ട്. ഇവിടെ കര്ഫ്യു ഏര്പ്പെടുത്തിയിട്ടുണ്ട്. പൊതുഗതാഗതം നിരോധിച്ചു. ജനങ്ങള് പുറത്തിറങ്ങരുതെന്നും നിര്ദേശമുണ്ട്. സൗരാഷ്ട്ര – കച്ച് മേഖലയില് റെഡ് അലര്ട്ടാണ് പ്രഖ്യാപിച്ചിരിക്കുന്നത്.
മലബാറി ന്യൂസ് ഓണ്ലൈന് വാര്ത്തകള് വാട്സ്ആപ്പ് ഗ്രൂപ്പുകളിലും ലഭിക്കും. വാട്സ്ആപ്പ് ഗ്രൂപ്പില് അംഗമാവാന് ഇവിടെ ക്ലിക്ക് ചെയ്യു
