പാലക്കാട്: നടന് വിനായകനെതിരെ വീണ്ടും യൂത്ത് കോണ്ഗ്രസിന്റെ പരാതി. മഹാത്മാഗാന്ധി, ഉമ്മന്ചാണ്ടി, വിഎസ് അച്യുതാനന്ദന് ഉള്പ്പെടെയുള്ള നേതാക്കളെ സമൂഹമാധ്യമങ്ങളില് അപകീര്ത്തിപ്പെടുത്തിയെന്നാണ് പരാതി. യൂത്ത് കോണ്ഗ്രസ് പാലക്കാട് ജില്ലാ ജനറല് സെക്രട്ടറി ശ്യാം ദേവദാസാണ് പരാതി നല്കിയത്.
ഡിജിപിക്കാണ് പരാതി നല്കിയത്. രാഷ്ട്രപിതാവ്, മുന് പ്രധാനമന്ത്രിമാര്, മുന് മുഖ്യമന്ത്രിമാര് എന്നിവരെ അപകീര്ത്തിപ്പെടുത്തിയെന്ന് പരാതിയില് പറയുന്നു.
വി.എസിന്റെ വിയോഗത്തിന് പിന്നാലെ എറണാകുളം കെഎസ്ആര്ടിസി ബസ് സ്റ്റാന്ഡ് പരിസരത്തുനടന്ന അനുസ്മരണ പരിപാടിയില് വിനായകന് പങ്കെടുത്തിരുന്നു. ഉമ്മന്ചാണ്ടിയുടെ മരണത്തിലും വി.എസിന്റെ മരണത്തിലും നടന് സ്വീകരിച്ച നിലപാടുകള് ചൂണ്ടിക്കാട്ടി വലിയ വിമര്ശനം ഉയര്ന്നു. ഇതിന് പിന്നാലെയാണ് വീണ്ടും അധിക്ഷേപ പോസ്റ്റുമായി വിനായകന് എത്തിയത്.
മഹാത്മാ ഗാന്ധി, ജവഹര്ലാല് നെഹ്റു, ഇന്ദിരാ ഗാന്ധി, രാജീവ് ഗാന്ധി, കെ. കരുണാകരന്, ജോര്ജ് ഈഡന് എന്നിവരുടെ പേര് പറഞ്ഞുകൊണ്ടായിരുന്നു അധിക്ഷേപം. വി.എസിന്റെ മരണവുമായി ചേര്ത്തായിരുന്നു പോസ്റ്റ്.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ഈ
ലിങ്കില് ക്ലിക്ക് ചെയ്യു
