തിരുവനന്തപുരം: സംസ്ഥാനത്തുണ്ടായ കനത്തമഴയിലും വെള്ളപ്പൊക്കത്തിലും പ്രകൃതിക്ഷോഭത്തിലുംപെട്ട് പാഠപുസ്തകങ്ങള് നഷ്ടപ്പെട്ട ഒന്ന് മുതല് 12 വരെ ക്ലാസ്സുകളിലെ വിദ്യാര്ഥികള്ക്ക് പുതിയ പാഠപുസ്തകങ്ങള് നല്കുമെന്ന് പൊതുവിദ്യാഭ്യാസ മന്ത്രി പ്രൊഫ.സി.രവീന്ദ്രനാഥ് അറിയിച്ചു. ആവശ്യക്കാരായ വിദ്യാര്ഥികളില് നിന്ന് പ്രഥമാധ്യാപകര് വിവരം ശേഖരിച്ച് ബന്ധപ്പെട്ട വിദ്യാഭ്യാസ ഓഫീസര്മാര് മുഖേന പൊതുവിദ്യാഭ്യാസ ഡയറക്ടര്ക്ക് നല്കണം. വിദ്യാര്ഥികള്ക്ക് പാഠപുസ്തകങ്ങള് അടിയന്തരമായി ലഭിക്കുന്നതിനു വേണ്ട നടപടികള് സ്വീകരിക്കുന്നതിന് പൊതുവിദ്യാഭ്യാസ സെക്രട്ടറിക്ക് നിര്ദ്ദേശം നല്കിയിട്ടുണ്ടെന്നു മന്ത്രി അറിയിച്ചു.
വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
