പെരിന്തല്മണ്ണ ജില്ലാ ആശുപത്രിയിലെ പാലിയേറ്റീവ് ട്രെയിനിങ് സെന്ററില് ആരംഭിക്കുന്ന പാലിയേറ്റീവ് കെയര് നഴ്സിങ് കോഴ്സിലേക്ക് പ്രവേശനത്തിന് അപേക്ഷ ക്ഷണിച്ചു. ഒന്നരമാസമാണ് കോഴ്സിന്റെ ദൈര്ഘ്യം. ജി.എന്.എം/ ബി.എസ്.സി നഴ്സിങ്/ എം.എസ്.സി നഴ്സിങ് ആണ് യോഗ്യത.നിലവില് സര്ക്കാര്/സ്വകാര്യ മേഖലയില് ജോലിചെയ്യുന്നവര്ക്കും അപേക്ഷിക്കാം. 5000 രൂപയാണ് കോഴ്സ് ഫീസ്. താല്പര്യമുള്ളവര് ആഗസ്റ്റ് 27 ന് രാവിലെ 11 മണിക്ക് പാലിയേറ്റീവ് ട്രെയിനിങ് സെന്ററില് വെച്ച് നടക്കുന്ന കൂടിക്കാഴ്ചയ്ക്ക് അസ്സല് സര്ട്ടിഫിക്കറ്റുകള് സഹിതം ഹാജരാവണം. കൂടുതല് വിവരങ്ങള്ക്ക് ഫോണ്: 9400084317, 8589995872.
നോര്ക്ക റൂട്ട്സ് സാന്ത്വന പദ്ധതി: തിരൂർ താലൂക്ക് അദാലത്ത് സെപ്റ്റംബര് 11 ന്, ഇപ്പോള് അപേക്ഷിക്കാം
നാട്ടില്തിരിച്ചെത്തിയ പ്രവാസികൾക്കായി സംസ്ഥാന സര്ക്കാര് നോര്ക്ക റൂട്ട്സ് വഴി നടപ്പിലാക്കിവരുന്ന ധനസഹായപദ്ധതിയായ സാന്ത്വനയുടെ തിരൂർ താലൂക്ക് തല അദാലത്ത് സെപ്റ്റംബര് 11 ന് നടക്കും. തിരൂർ കോരങ്ങത്ത് സാംസ്കാരിക സമുച്ചയം ഹാളിൽ രാവിലെ 10 മുതല് വൈകിട്ട് മൂന്നു വരെ നടക്കുന്ന അദാലത്തില് മുന്കൂട്ടി അപേക്ഷിക്കുന്നവർക്ക് മാത്രമായിരിക്കും പ്രവേശനം. താല്പര്യമുളളവര് www.norkaroots.org വെബ്സൈറ്റ് സന്ദര്ശിച്ച് സെപ്റ്റംബർ എട്ടിന് മുൻപായി അപേക്ഷ നല്കേണ്ടതാണെന്ന് നോർക്ക റൂട്സ് കോഴിക്കോട് സെന്റര് മാനേജര് സി.രവീന്ദ്രന് അറിയിച്ചു. കൂടുതല് വിവരങ്ങള്ക്ക് +91-7012609608,+91-8281004911, 04952304882/85 (പ്രവൃത്തി ദിവസങ്ങളില്, ഓഫീസ് സമയത്ത്) എന്നീ നമ്പറുകളില് ബന്ധപ്പെടാം. മരണാനന്തര ധനസഹായമായി ആശ്രിതര്ക്ക് പരമാവധി ഒരു ലക്ഷം രൂപ വരെയും, ചികിത്സാ സഹായമായി പരമാവധി 50,000 രൂപയും, മകളുടെ വിവാഹത്തിന് 15,000 രൂപയും അംഗപരിമിത പരിഹാര ഉപകരണങ്ങള്ക്ക് (കൃത്രിമ കാൽ, ഊന്നുവടി, വീൽചെയർ) 10,000 രൂപയും പദ്ധതി പ്രകാരം ലഭ്യമാണ്. വാര്ഷിക വരുമാനം ഒന്നരലക്ഷം രൂപയില് താഴെയുളളവര്ക്കാണ് പദ്ധതി പ്രകാരം അപേക്ഷിക്കാന് കഴിയുക. മുമ്പ് അപേക്ഷ നല്കിയവരും, നിരസിക്കപ്പെട്ടവരും വീണ്ടും അപേക്ഷിക്കേണ്ടതില്ല. ഒരാള്ക്ക് ഒറ്റ സ്കീം പ്രകാരം മാത്രമേ സഹായം അനുവദിക്കൂ. അപേക്ഷ സമര്പ്പിക്കുമ്പോഴും, ധനസഹായം സ്വീകരിക്കുമ്പോഴും അപേക്ഷകന് വിദേശത്തായിരിക്കാന് പാടില്ല. കൂടുതല് വിവരങ്ങള്ക്ക് 24 മണിക്കൂറും പ്രവര്ത്തിക്കുന്ന നോര്ക്ക ഗ്ലോബല് കോണ്ടാക്ട് സെന്ററിന്റെ ടോള് ഫ്രീ നമ്പറുകളായ 1800 425 3939 (ഇന്ത്യയില് നിന്നും) +91-8802 012 345 (വിദേശത്തുനിന്നും, മിസ്സ്ഡ് കോള് സര്വ്വീസ്) ബന്ധപ്പെടാവുന്നതാണ്.
