കൊച്ചി: മോന്സന് മാവുങ്കല് ഉള്പ്പെട്ട സാമ്പത്തിക തട്ടിപ്പ് കേസില് കെപിസിസി അധ്യക്ഷന് കെ സുധാകരനെ ക്രൈം ബ്രാഞ്ച് അന്വേഷണ സംഘം അറസ്റ്റ് ചെയ്തു. രാവിലെ 11മണിക്ക് കളമശേരി ക്രൈംബ്രാഞ്ച് ഓഫീസില് തുടങ്ങിയ ചോദ്യം ചെയ്യല് വൈകിട്ട് വരെ നീണ്ടു. ഇതിന് പിന്നാലെയാണ് അറസ്റ്റ് രേഖപ്പെടുത്തിയത്. കോടതി ഇടക്കാല ജാമ്യം അനുവദിച്ചിരുന്നതിനാല് 50000 രൂപ ബോണ്ടിന്റെ അടിസ്ഥാനത്തില് ജാമ്യത്തില് വിടും.
സുധാകരനെ ചോദ്യം ചെയ്യും മുമ്പ് പരാതിക്കാരായ യാക്കൂബ്, ഷമീര്, അനൂപ് അഹമ്മദ് എന്നിവരില് നിന്ന് അന്വേഷണ സംഘം മൊഴി എടുത്തിരുന്നു. പണം നല്കുമ്പോള് മോന്സനൊപ്പം കെ സുധാകരന് ഉണ്ടായിരുന്നെന്നാണ് പരാതി. മോന്സന് മാവുങ്കല്, കെ സുധാകരന് പത്ത് ലക്ഷം രൂപ നല്കിയതായി മോന്സന്റെ ജീവനക്കാരും മൊഴി നല്കിയിരുന്നു.
കേസില് നേരത്തെ ചോദ്യം ചെയ്യാന് വിളിപ്പിച്ചിരുന്നെങ്കിലും കെ സുധാകരന് മുന്കൂര് ജാമ്യം തേടി കേരള ഹൈക്കോടതിയെ സമീപിച്ചിരുന്നു. കേസില് കെ സുധാകരന് രണ്ടാംപ്രതിയാണ്. കെ സുധാകരനെ അറസ്റ്റ് ചെയ്യുകയാണെങ്കില് 50000 രൂപയുടെ ബോണ്ടിന്റെ മേലില് ജാമ്യത്തില് വിടണമെന്നാണ് ഇടക്കാല ജാമ്യം അനുവദിച്ച് കൊണ്ട് കോടതി പറഞ്ഞത്.
2021 ല് രജിസ്റ്റര് ചെയ്ത കേസില് രണ്ട് വര്ഷത്തിനിപ്പുറം തന്നെ പ്രതിയാക്കുന്നത് രാഷ്ട്രീയ പ്രേരിതമെന്നായിരുന്നു കെ സുധാകരന്റെ പ്രതികരണം. കോടതിയിലും ഈ വാദം അദ്ദേഹം ആവര്ത്തിച്ചു.
മലബാറി ന്യൂസ് ഓണ്ലൈന് വാര്ത്തകള് വാട്സ്ആപ്പ് ഗ്രൂപ്പുകളിലും ലഭിക്കും. വാട്സ്ആപ്പ് ഗ്രൂപ്പില് അംഗമാവാന് ഇവിടെ ക്ലിക്ക് ചെയ്യു
