HIGHLIGHTS : വാട്സ്ആപ്പ് ഉപയോക്താക്കള്ക്ക് ആശ്വസാമായ ഒരു വാര്ത്തയാണ് പുറത്ത് വന്നിരിക്കുന്നത്. വാട്സ്ആപ്പ് വഴി അയക്കുന്ന സന്ദേശങ്ങള് പൂര്ണമായും സ്...
വാട്സ്ആപ്പ് ഉപയോക്താക്കള്ക്ക് ആശ്വസാമായ ഒരു വാര്ത്തയാണ് പുറത്ത് വന്നിരിക്കുന്നത്. വാട്സ്ആപ്പ് വഴി അയക്കുന്ന സന്ദേശങ്ങള് പൂര്ണമായും സ്വകാര്യതയോടെ അയക്കാം എന്നതാണ് പ്രത്യേകത. ഉപയോക്താക്കള് അയക്കുന്ന സന്ദേശം ഒരു പ്രത്യേക കോഡാക്കി മാറ്റുകയും (എന്ക്രിപ്ഷന്) വായിക്കുന്ന വ്യക്തിയുടെ ഫോണില് മാത്രം അത് വീണ്ടും യഥാര്ത്ഥ സന്ദേശ രൂപത്തിലാവുകയും (ഡിസ്ക്രിപ്ഷന്) ചെയ്യുന്ന പ്രക്രിയയാണ് ഇത്.
ഈ സൗകര്യത്തിലൂടെ വാട്ട്സാപ്പിലൂടെ അയക്കുന്ന മെസ്സേജുകള് അവരുടെ ഓണ്ലൈന് സെര്വറില് സേവ് ആവുകയില്ല. അുകൊണ്ട് തന്നെ നിങ്ങള് അയക്കുന്ന സന്ദേശങ്ങള്, ചിത്രങ്ങള്, വീഡിയോ എന്നിവ മൂന്നാമതൊരാള്ക്ക് കാണുവാനോ ഹാക്ക് ചെയ്യുവാനോ സാധിക്കില്ല എന്നതാണ് പുതിയ പ്രക്രിയയുടെ സൗകര്യം. ഇനി സര്ക്കാരുകള് ആവശ്യപ്പെട്ടാലും ഒരാളുടെ വാട്ട്സ്ആപ്പ് ചാറ്റ് വിവരങ്ങള് കമ്പനിക്ക് നല്കാനാവില്ല.
വാട്സ്ആപ്പിലെ ഓരോ ചാറ്റിനും പ്രത്യേകം എന്റ് ടു എന്റ് എന്ക്രിപ്ഷന് സംവിധാനം ലഭ്യമാണ്. ഇത് ആക്റ്റിവേറ്റ് ചെയ്യാന് നിങ്ങളും ചാറ്റ് ബോക്സിലെ ഒരാളുടെ കോണ്ടാക്റ്റ് എടുത്ത് അതില് കാണുന്ന എന്റ് ടു എന്റ് എന്ന എന്ക്രിപ്ഷന് ഓപ്ഷനില് ക്ലിക്ക് ചെയ്യുക. അപ്പോള് ലഭിക്കുന്ന ക്യുആര് കോഡും 60 അക്ക സംഖ്യയും ആ വ്യക്തിയുമായി ഷെയര് ചെയ്യുകയും ചെയ്താല് നിങ്ങള്ക്കിരുവര്ക്കുമിടയില് എന്റ് ടു എന്റ് എന്ക്രിപ്ഷന് സുരക്ഷാ സംവിധാനം ആക്ടിവേറ്റ് ചെയ്യപ്പെടുന്നതാണ്. ഇതിനായി ഏറ്റവും പുതിയ വാട്ട്സ്ആപ്പ് വേര്ഷനിലേക്ക് അപ്പ്ഡേറ്റ് ചെയ്താല് മാത്രമേ ഈ സംവിധാനം ലഭ്യമാകൂ
ഒരു കോടിയിലധികം ഉപയോക്താക്കളുള്ള വാട്സ് ആപ്പിന്റെ പുതിയ സേവനം ആന്ട്രോയ്ഡ്, ഐ ഫോണ്, ബ്ളാക് ബെറി പ്ളാറ്റ് ഫോമുകളിലും ലഭ്യമാണ്.