HIGHLIGHTS : രാജ്യസേവനത്തിന് താത്പര്യവും ശേഷിയുമുളള യുവാക്കളെ
രാജ്യസേവനത്തിന് താത്പര്യവും ശേഷിയുമുളള യുവാക്കളെ കണ്ടെത്തുന്നതിന് ഡിസംബര് ഏഴ് മുതല് 13 വരെ കരസേന റിക്രൂട്ട്മെന്റ് റാലി കോട്ടയ്ക്കല് ക്ലാരി എം.എസ്.പി. ഗ്രൗണ്ടില് നടത്തും. ഇന്ത്യന് സേനയില് ചേരാന് താത്പര്യമുളള 17 1/2 – 21 വയസിന് ഇടയിലുള്ള അവിവാഹിതരായ പുരുഷന്മാര്ക്ക് റാലിയില് പങ്കെടുക്കാം.
![](https://malabarinews.com/wp-content/uploads/2024/06/imukthi-videio.jpg)
![](https://malabarinews.com/wp-content/uploads/2020/07/careertech.jpg)
സോള്ജര് ജനറല് ഡ്യൂട്ടി, ക്ലാര്ക്ക്, സ്റ്റോര് കീപ്പര്, ടെക്നിക്കല് ആന്ഡ് നഴ്സിങ്, അസി. ടെക്നിക്കല് ഡ്രസര്, ട്രേഡ്സ്മാന് വിഭാഗങ്ങളിലേയ്ക്കാണ് തെരഞ്ഞെടുപ്പ്, കായികക്ഷമതാ പരീക്ഷ പാസാകുന്നവര്ക്ക് എഴുത്തുപരീക്ഷയുണ്ടാകും. പുലര്ച്ചെ അഞ്ചിന് റാലി തുടങ്ങും. പങ്കെടുക്കാന് താത്പര്യമുളളവര് തലേന്ന് വൈകീട്ട് സര്ട്ടിഫിക്കറ്റ് പരിശോധനയ്ക്കെത്തണം.
![](https://malabarinews.com/wp-content/uploads/2021/11/sameeksha.jpg)
കായികക്ഷമതാ പരിശോധനയില് ഓട്ടം, ചാട്ടം, പുള്അപ്പ്, ബാലന്സ് പരിശോധന തുടങ്ങിയവയുണ്ടാകും. റാലിയില് പങ്കെടുക്കാനുള്ള യോഗ്യത, ഹാജരാക്കേണ്ട സര്ട്ടിഫിക്കറ്റുകള് എന്നിവ സംബന്ധിച്ച വിവരം zrobangalore.gov.in, 0471 2579789, ഐ.വി.ആര്.എസ് നമ്പറിലും ലഭിക്കും. സിവില് സ്റ്റേഷന് ബി-3 ബ്ലോക്കില് പ്രവര്ത്തിക്കുന്ന ജില്ലാ ഇന്ഫര്മേഷന് ഓഫീസിലെ നോട്ടീസ് ബോര്ഡിലും വിവരങ്ങള് പരിശോധിക്കാം. ഫോണ് 0483 2734922, 0483 2734882, 0483 2734387