HIGHLIGHTS : എറണാകുളം: വിജിലൻസ് ഡയറക്ടർ ജേക്കബ് തോമസിനെതിരായ മൂന്ന് ഹരജികൾ വിജിലൻസ് കോടതി തള്ളി. മൂവാറ്റുപുഴ വിജിലൻസ് കോടതിയാണ് ഹരജികൾ തളളിക്കൊണ്ടുള്...
എറണാകുളം: വിജിലൻസ് ഡയറക്ടർ ജേക്കബ് തോമസിനെതിരായ മൂന്ന് ഹരജികൾ വിജിലൻസ് കോടതി തള്ളി. മൂവാറ്റുപുഴ വിജിലൻസ് കോടതിയാണ് ഹരജികൾ തളളിക്കൊണ്ടുള്ള വിധി പുറപ്പെടുവിച്ചത്.
തുറമുഖ ഡയറക്ടറായിരിക്കെ ഡ്രെഡ്ജർ വാങ്ങിയതിൽ 15 കോടി രൂപ നഷ്ടമുണ്ടാക്കിയെന്ന ഹരജിയും കുടകിലെ അനധികൃത ഭൂമി ഇടപാട് സംബന്ധിച്ച ഹരജിയുമാണ് തള്ളിയത്. അവധിയെടുത്ത് കോളജിൽ പഠിപ്പിച്ച് പണമുണ്ടാക്കിയെന്ന ഹരജിയും തള്ളിയിട്ടുണ്ട്. മറ്റൊരു ഹരജി പരിഗണിക്കുന്നത് മാർച്ച് 15 ലേക്ക് കോടതി മാറ്റി.
ജേക്കബ് തോമസിനെതിരെ അന്വേഷണം ആവശ്യപ്പെട്ട് ചേർത്തല സ്വദേശിയും ക്രൈം ഇൻവെസ്റ്റിഗേഷൻ എന്ന മാസികയുടെ ചീഫ് എഡിറ്ററുമായ മൈക്കിളാണ് മുവാറ്റുപുഴ വിജിലൻസ് കോടതിയിൽ ഹരജി നൽകിയത്.