തിരുവനന്തപുരം:സംസ്ഥാനത്ത് കത്തുന്ന ചൂടിന് ആശ്വാസമായി വരും ദിവസങ്ങളില് മഴ കനക്കുമെന്ന് കേന്ദ്ര കാലാവസ്ഥ വകുപ്പ്. ഒറ്റപ്പെട്ടയിടങ്ങളില് ഇടിമിന്നലോട് കൂടിയ മിതമായ മഴയാണ് ഇന്ന് പ്രവചിച്ചിരിക്കുന്നത്. മണിക്കൂറില് 40 മുതല് 50 കിലോമീറ്റര് വരെ വേഗതയില് ശക്തമായ കാറ്റിനും സാധ്യതയുണ്ടെന്ന് കാലാവസ്ഥ വകുപ്പ് മുന്നറിയിപ്പ് നല്കുന്നു.
ഈ സാഹചര്യത്തില് മുഴുവന് ജില്ലകളിലും ഗ്രീന് അലര്ട്ടുണ്ട്. 24 മണിക്കൂറില് 15. 5 മുതല് 64.5 വരെ മഴ ലഭിക്കുന്ന സാഹചര്യമാണ് എന്നാണ് ഇതുകൊണ്ട് അര്ത്ഥമാക്കുന്നത്.
നാളെ (04/04/2026) പത്തനംതിട്ട, ഇടുക്കി മറ്റെന്നാള് (05/04/2026) പത്തനംതിട്ട, എറണാകുളം, ഇടുക്കി എന്നീ ജില്ലകളില് യെല്ലോ അലര്ട്ടാണ്. ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് പ്രവചിക്കപ്പെട്ടിരിക്കുന്നത്.
അടുത്ത മൂന്ന് മണിക്കൂറില് പ്രതീക്ഷിക്കാവുന്ന ദിനാന്തരീക്ഷാവസ്ഥ
അടുത്ത 3 മണിക്കൂറില് കേരളത്തിലെ ഇടുക്കി, എറണാകുളം, കാസറഗോഡ് ജില്ലകളില് ഒറ്റപ്പെട്ടയിടങ്ങളില് നേരിയ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.
