കോഴിക്കോട്: കേരളത്തില് വേനല്ക്കാലം ആരംഭിക്കുകയും പകല് സമയത്തെ താപനില ക്രമാതീതമായി ഉയരുകയും ചെയ്യുന്ന സാഹചര്യത്തില് വെയിലത്ത് ജോലി ചെയ്യുന്ന തൊഴിലാളികള്ക്ക് ജോലി സമയം പുനഃക്രമീകരിച്ചു. സൂര്യാഘാതം ഏല്ക്കുന്ന സാഹചര്യം ഒഴിവാക്കുന്നതിന് 1958 ലെ കേരള മിനിമം വേജസ് ചട്ടങ്ങളിലെ 24,25 വ്യവസ്ഥകള് പ്രകാരം സംസ്ഥാനത്തിനുളളില് വെയിലത്ത് ജോലി ചെയ്യുന്ന തൊഴിലാളികളുടെ തൊഴില് സമയം ഏപ്രില് 30 വരെ പുനഃക്രമീകരിച്ചതായി ജില്ലാ ലേബര് ഓഫീസര് അറിയിച്ചു.
ജോലി സമയം രാവിലെ ഏഴ് മുതല് വൈകീട്ട് ഏഴ് വരെയുളള സമയത്തിനുളളില് എട്ട് മണിക്കൂറായി നിജപ്പെടുത്തി. ഉച്ചയ്ക്ക് 12 മുതല് മൂന്ന് വരെ വിശ്രമ സമയം ആയിരിക്കും. ഫിഷ്റ്റ് അടിസ്ഥാനത്തില് ജോലി ചെയ്യുന്ന തൊഴിലാളികള്ക്ക് രാവിലെത്തെ ഷിഫ്റ്റ് ഉച്ചയ്ക്ക് 12 ന് അവസാനിക്കുന്ന തരത്തിലും ഉച്ചയ്ക്ക് ശേഷമുളള ഷിഫ്റ്റ് വൈകീട്ട് മൂന്നിന് ആരംഭിക്കുന്ന തരത്തിലുമായിരിക്കും. എല്ലാ തൊഴില് ഉടമകളും കരാറുകാരും സമയക്രമം പാലിക്കണം.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ലിങ്കില് ക്ലിക്ക് ചെയ്യു
