കോഴിക്കോട്: പുതുപ്പാടിയില് ഭര്ത്താവിന്റെ വെട്ടേറ്റ് ഭാര്യയ്ക്ക് ഗുരുതര പരിക്ക്. അടിവാരം കമ്പിവേലിമ്മലിലാണ് സംഭവം. പാലക്കാട് സ്വദേശി ഇബ്രാഹീമാണ് (55) കമ്പിവേലിമ്മല് സ്വദേശി ഖദീജ (50)യെ ആക്രമിച്ചത്.
സംഭവത്തില് ഇബ്രാഹീമിനെതിരെ പൊലീസ് കേസെടുത്ത് അന്വേഷണം ആരംഭിച്ചു.
ഇന്നലെ രാവിലെ 10 മണിയോടെയായിരുന്നു സംഭവം. വീട്ടിലെ അടുക്കളയിലെ ഉപയോഗിക്കുന്ന കത്തി ഉപയോഗിച്ചായിരുന്നു ആക്രമണം. ആക്രമണത്തില് ഖദീജയുടെ വലതുചെവിക്ക് മുകളില് ഗുരുതരമായി പരിക്കേറ്റു.
ഖദീജയെ ഉടന് താമരശ്ശേരി താലൂക്ക് ആശുപത്രിയില് പ്രവേശിപ്പിക്കുകയായിരുന്നു. എന്നാല് പരിക്ക് ഗുരുതരമായതിനാല് ഖദീജയെ കോഴിക്കോട് മെഡിക്കല് കോളേജിലേക്ക് മാറ്റി.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ഈ ലിങ്കില് ക്ലിക്ക് ചെയ്യു
വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
