ബെംഗളൂരു: കര്ണാടക മുഖ്യമന്ത്രിയായി ഡി കെ ശിവകുമാര് സത്യപ്രതിജ്ഞ ചെയ്തു.
ഗവര്ണര് താവര് ചന്ദ് ഗെലോട്ടാണ് സത്യവാചകം ചൊല്ലിക്കൊടുത്തത്. കര്ണാടകയുടെ 25-ാമത് മുഖ്യമന്ത്രിയായ് ഭരണഘടനയുടെ ചെറുപതിപ്പ് കൈയ്യിലേന്തിയായിരുന്നു ഡി കെ ശിവകുമാര് സത്യപ്രതിജ്ഞ ചെയ്തത്. ഡി കെ ശിവകുമാറിനൊപ്പം അദ്ദേഹത്തിന്റെ മന്ത്രിസഭയും സത്യപ്രതിജ്ഞ ചെയ്ത് അധികാരമേറ്റെടുക്കും.
ലോക്ഭവനില് നടന്ന സത്യപ്രതിജ്ഞാ ചടങ്ങില് ലോക്സഭാ പ്രതിപക്ഷ നേതാവ് രാഹുല് ഗാന്ധി, കോണ്ഗ്രസ് അധ്യക്ഷന് മല്ലികാര്ജ്ജുന് ഖര്ഗെ, എഐസിസി സംഘടനാകാര്യ ജനറല് സെക്രട്ടറി കെ സി വേണുഗോപാല് അടക്കമുള്ള കോണ്ഗ്രസ് നേതാക്കളും കേരള മുഖ്യമന്ത്രി വി ഡി സതീശന്, ആഭ്യന്തരമന്ത്രി രമേശ് ചെന്നിത്തല, തെലങ്കാന മുഖ്യമന്ത്രി രേവന്ത് റെഡ്ഡി തുടങ്ങിയവരും സത്യപ്രതിജ്ഞാ ചടങ്ങില് സംബന്ധിച്ചു.
രൂക്ഷമായ മുഖ്യമന്ത്രി സ്ഥാനത്തെ ചൊല്ലിനില നിന്ന തര്ക്കത്തിന് പിന്നാലെ ഹൈക്കമാന്ഡ് ഇടപെടലിലാണ് സിദ്ധരാമയ്യ അയഞ്ഞതും രാജി സമര്പ്പിച്ചതും. തുടര്ന്ന് ചേര്ന്ന സിഎല്പി യോഗം ഡി കെ ശിവകുമാറിനെ മുഖ്യമന്ത്രിയായി തെരഞ്ഞെടുക്കുകയായിരുന്നു.
