കൊറിയന്‍ ഓപ്പണ്‍ സൂപ്പര്‍ സീരീസ് കിരീടം പി വി സിന്ധുവിന്

ഇന്ത്യയുടെ അഭിമാനം പി വി സിന്ധു കൊറിയന്‍ ഓപ്പണ്‍ സൂപ്പര്‍ സീരീസ് ബാഡ്മിന്റണ്‍ കരീടം സ്വന്തമാക്കി. ഇന്ന് നടന്ന ഫൈനലില്‍ ജപ്പാന്‍ താരം നെസോമി ഹൊക്കുഹാരയെ ഒന്നിനെതിരെ രണ്ട് സെറ്റുകള്‍ക്ക് തകര്‍ത്താണ് സിന്ധു ഈ സീസണിലെ മൂന്നാമത്തെ പ്രധാന വിജയം സ്വന്തമാക്കിയത്.

നിലവിലെ ലോകകപ്പ് ബാഡ്മിന്റണ്‍ ചാമ്പ്യനാണ് നെസോമി ഹൊക്കുഹാര. ലോകചാമ്പ്‌ന്യന്‍ഷിപ്പില്‍ ഹെക്കുഹാരയോട് ഫൈനലില്‍ തോറ്റ പി വി സിന്ധുവിന്റെ മധുരപ്രതികാരം കൂടിയാണ് ഈ വിജയം.

ഇന്നത്തെ ഫൈനലില്‍ ആദ്യ സെറ്റ് കടുത്ത പോരാട്ടത്തിനൊടുവില്‍ 22-20 എന്ന സ്‌കോറിന് പി വി സിന്ധും പിടിച്ചെടുത്തെങ്കിലും രണ്ടാമത്തെ സെറ്റ് തിരച്ചുവരവ് നടത്തിയ ഹൊക്കുഹാര 21-11 സ്‌കോറിന് രണ്ടാം സെറ്റ് പിടിച്ചു. അതിമനോഹമരമായ പ്ലേസിങ്ങിലൂടെയും ഷോര്‍ട്ടുകളുതിര്‍ത്തും 21-18 ന് അവസാന സെറ്റും കിരീടവും ആദികാരികതയോടെ സിന്ധു പിടിച്ചെടുക്കുകയായിരുന്നു.