മൂന്നിയൂരില്‍ കാര്‍ താഴ്ച്ചയിലേക്ക് മറിഞ്ഞ് യുവതിയും രണ്ട്കുട്ടികളും മരിച്ചു.

പരപ്പനങ്ങാടി: മൂന്നിയൂര്‍ കളിയാട്ടമുക്ക് കാരിയാട്പാലത്തില്‍വെച്ച് നിയന്ത്രണംവിട്ട കാര്‍ സുരക്ഷാ ഭിത്തിയിലിടിച്ച് താഴേക്ക് മറിഞ്ഞ് യുവതിയും ബന്ധുക്കളായ രണ്ട് കുട്ടികളും മരിച്ചു.അഞ്ച് പേര്‍ക്ക് സാരമായിപരിക്കേല്‍ക്കുകയും ചെയ്തു.

പരപ്പനങ്ങാടി ചിറമംഗലം തിരിച്ചിലങ്ങാടി കോണിയത്ത് അബ്ദുറഷീദിന്റെ മകള്‍ ഫാത്തിമ ശിഫാന (6), ബന്ധു കോണിയത്ത് സമീറിന്റെ ഭാര്യ ഹുസ്ന (19) സഹോദരി ശംന (14) എന്നിവരാണ് മരിച്ചത്.ഉച്ചയ്ക്ക് ഒരു മണിയോടെയാണ് അപകടം.

പരപ്പനങ്ങാടിചിറമംഗലത്തു നിന്നും കളിയാട്ടമുക്കിലെ ബന്ധുവീട്ടിലേക്ക് വിവാഹത്തിന് പോവുകയായിരുന്നു .കഴിഞ്ഞ ഡിസംബർ 10 നായിരുന്നു മരിച്ച ഹുസ്‌നയുടെ വിവാഹം കഴിഞ്ഞത് . വാഹനം ഓടിച്ചിരുന്ന സമീർ (25), സമീറിന്റെ സഹോദരന്മാരായ ശബീറലി (17),സൽമാൻ (ഒൻപത് ) റഷീദിന്റ ഭാര്യ ഉമ്മുഹബീബ (35), മകൻ മുഹമ്മദ് ആസിഫ് (ഒൻപത്)എന്നിവർക്കാണ് പരുക്ക് .ഇവരെ കോഴിക്കോട് വിവിധ ആശുപത്രികളിൽ പ്രവേശിപ്പിച്ചു.ഹുസ്നയുടെ പിതാവ് :കുന്നുമ്മൽ കുട്ടിഹസ്സൻ ചുഴലി ..മാതാവ് :റംല .സഹോദരങ്ങൾ :ഇസ്മായിൽ ,യാസീൻ ,സ്വാലിഹ് .ഷംന പരപ്പനങ്ങാടി സൂപ്പിക്കുട്ടി നഹ മെമ്മോറിയൽ ഹയർ സെക്കണ്ടറി സ്‌കൂൾ എട്ടാം ക്ലാസ് വിദ്യാർത്ഥിയാണ് .പിതാവ് :കോണിയത്ത് അബ്ദുറഹ്മാൻ .മാതാവ് :സുലൈഖ . ഫാത്തിമാ ഷിഫാന പുത്തൻപീടിക എം ഐ ഇംഗ്ളീഷ് സ്‌കൂൾ ഒന്നാം ക്ലാസ് വിദ്യാർത്ഥിയാണ് .