HIGHLIGHTS : തിരു: സുനന്ദ പുഷ്കറിന് മാരക രോഗങ്ങള് ഉണ്ടായിരുന്നില്ലെന്ന് മെഡിക്കല് റിപ്പോര്ട്ട്. സുനന്ദ ചികില്സ തേടിയ തിരുവനന്തപുരം കിംസ് ആശുപത്രിയിലെ മെഡിക...
തിരു: സുനന്ദ പുഷ്കറിന് മാരക രോഗങ്ങള് ഉണ്ടായിരുന്നില്ലെന്ന് മെഡിക്കല് റിപ്പോര്ട്ട്. സുനന്ദ ചികില്സ തേടിയ തിരുവനന്തപുരം കിംസ് ആശുപത്രിയിലെ മെഡിക്കല് റിപ്പോര്ട്ടിലാണ് ഇക്കാര്യം വെളിപ്പെടുത്തിയിരിക്കുന്നത്. ശരീരത്തിന്റെ പ്രതിരോധശേഷി കുറയുന്ന ലൂപ്പസ് എന്ന അസുഖത്തിനാണ് സുനന്ദ കിംസില് ചികില്സ തേടിയത്. പ്രത്യേക മരുന്നുകള് ഒന്നും ഇവര് കഴിച്ചിരുന്നില്ലെന്നും മരണം സംഭവിക്കാവുന്ന രോഗങ്ങളൊന്നും ഇവര്ക്ക് ഉണ്ടായിരുന്നില്ലെന്നും റിപ്പോര്ട്ടില് പറയുന്നു.
അതേസമയം സുനന്ദയുടെ പോസ്റ്റ്മോര്ട്ടം നടത്തിയ ഡോക്ടര് ആദര്ശ് കുമാര് അമിത മരുന്നുകളുടെ ഉപയോഗമാണ് പുഷ്കറിന്റെ മരണകാരണമെന്ന് പറഞ്ഞിരുന്നു.
മരണത്തിന് മുമ്പ് സുനന്ദപുഷ്കറും ശശിതരൂരും തമ്മില് വഴക്കിട്ടിരുന്നതായും വിമാനത്തില് വെച്ച് പോലും ഇരുവരും വാക്കേറ്റമുണ്ടായിരുന്നതായും മാധ്യമങ്ങള് റിപ്പോര്ട്ട് ചെയ്തിരുന്നു.