HIGHLIGHTS : കോട്ടയം: കോട്ടയത്ത് ബിജെപി ആഹ്വാനം ചെയ്ത ഹര്ത്താല് പുരോഗമിക്കുന്നു. കുമരകം പഞ്ചായത്ത് അംഗത്തെ മുഖംമൂടി ധരിച്ചെത്തിയ ...
കോട്ടയം: കോട്ടയത്ത് ബിജെപി ആഹ്വാനം ചെയ്ത ഹര്ത്താല് പുരോഗമിക്കുന്നു. കുമരകം പഞ്ചായത്ത് അംഗത്തെ മുഖംമൂടി ധരിച്ചെത്തിയ സംഘം ആക്രമിച്ചു പരിക്കേൽപിച്ചതിൽ പ്രതിഷേധിച്ച് ജില്ലയില് ബി.ജെ.പി ആഹ്വാനം ചെയ്ത ഹര്ത്താല് ആഹ്വാനം ചെയ്തിരിക്കുന്നത്.
രാവിലെ ആറു മുതൽ വൈകുന്നേരം ആറുവരെയാണ് ഹർത്താൽ. ഹർത്താലിൽനിന്ന് ആവശ്യ സർവീസുകളെയും കാഞ്ഞിരപ്പള്ളി രൂപത റൂബി ജൂബിലി സമ്മേളനം (കാഞ്ഞിരപ്പള്ളി), കേരള ക്ഷേത്രസംരക്ഷണസമിതി സംസ്ഥാന സമ്മേളനം (ഏറ്റുമാനൂർ), കേരള ഗണക മഹാസഭ സംസ്ഥാന സമ്മേളനം (കോട്ടയം) എന്നിവയെയും ഒഴിവാക്കിയിട്ടുണ്ട്.
കുമരകം പഞ്ചായത്ത് അംഗങ്ങളായ എട്ടാം വാർഡ് മെംബർ പി.കെ. സേതു(35), 12ാം വാർഡ് അംഗമായ വി.എൻ. ജയകുമാർ(36)എന്നിവരെയാണ് ബൈക്കിലെത്തിയ സംഘം മർദിച്ചത്. വ്യാഴാഴ്ച രാവിലെ 11ഓടെ കുമരകം പഞ്ചായത്ത് ഓഫിസിനു മുന്നിലായിരുന്നു സംഭവം.