HIGHLIGHTS : എക്സൈസ് മന്ത്രി കെ ബാബു രാജിവെച്ചു. കെ ബാബുവിനെതിരെ എഫ്ഐആര് രജിസ്റ്റര് ചെയ്യണമെന്ന തൃശൂര് വിജിലന്സ് കോടതി ഉത്തരവിന്റെ അടിസ്ഥാനത്തിലാണ് ബാബു ര...
എക്സൈസ് മന്ത്രി കെ ബാബു രാജിവെച്ചു. കെ ബാബുവിനെതിരെ എഫ്ഐആര് രജിസ്റ്റര് ചെയ്യണമെന്ന തൃശൂര് വിജിലന്സ് കോടതി ഉത്തരവിന്റെ അടിസ്ഥാനത്തിലാണ് ബാബു രാജി വെച്ചത്. കോടതി ഉത്തരവ് വന്നതോടെ താന് മന്ത്രിസ്ഥാനം രാജി വയ്ക്കാന് തയ്യാറാണെന്ന് കെ ബാബു കെപിസിസി നേതൃത്വത്തെ അറിയിച്ചിരുന്നു. തുടര്ന്ന് വിളിച്ചു ചേര്ത്ത പത്രസമ്മേളനത്തിലാണ് അദ്ദേഹം രാജി പ്രഖ്യാപിച്ചത്.
എക്സൈസ് -ഷിഷറീസ് വകുപ്പുകള് കൈകാര്യം ചെയ്യുന്ന മന്ത്രിയാണ് കെ ബാബു. ബാര് കോഴക്കേസില് രാജി വയ്ക്കുന്ന രണ്ടാമത്തെ മന്ത്രിയാണ് കെ ബാബു.
എറണാകുളം ഗസ്റ്റ് ഹൗസില് ബാബു മുഖ്യമന്ത്രിയാമായി കൂടിക്കാഴ്ച്ച നടത്തി. പിന്നീട് ബാബു മുഖ്യമന്ത്രിക്ക് രാജിക്കത്ത് കൈമാറുകയും മുഖ്യമന്ത്രി സ്വീകരിക്കുകയും ചെയ്തു.