HIGHLIGHTS : തൃശൂര്‍: കെ. എം മാണിയെ യുഡിഎഫിലേക്ക് തിരികെ ക്ഷണിച്ച് കെപിസിസി അധ്യക്ഷന്‍ എം. എം ഹസന്‍ രംഗത്ത്. മലപ്പുറം ഉപതെരഞ്ഞെടുപ്പില്‍ മാണി...
തൃശൂര്‍: കെ. എം മാണിയെ യുഡിഎഫിലേക്ക് തിരികെ ക്ഷണിച്ച് കെപിസിസി അധ്യക്ഷന്‍ എം. എം ഹസന്‍ രംഗത്ത്. മലപ്പുറം ഉപതെരഞ്ഞെടുപ്പില്‍ മാണിയുടെ പിന്തുണ ഗുണം ചെയ്തു. വിഷയം ഏപ്രില്‍ 21ന് ചേരുന്ന യുഡിഎഫ് യോഗം ചര്‍ച്ച ചെയ്യും. കെ എം മാണി സ്വയം പുറത്തുപോയതാണെന്നും മാണി തിരിച്ചു വരണമെന്നാണ് യുഡിഎഫില്‍ എല്ലാവരും ആഗ്രഹിക്കുന്നതെന്നും ഹസന്‍ പറഞ്ഞു.
അഴിമതികേസില്‍ കുടുങ്ങിയ കെ എം മാണിയ്ക്കെതിരെ യുഡിഎഫില്‍ നിന്നുതന്നെ ചില നീക്കങ്ങള്‍ ഉണ്ടായപ്പോഴാണ് മാണി യുഡിഎഫ് വിട്ടത്.
ഉമ്മന്‍ ചാണ്ടി കെപിസിസി അധ്യക്ഷന്‍ ആകണമെന്നാണ് ആഗ്രഹമെന്നും ചോദ്യത്തിനു മറുപടിയായി ഹസന്‍ പറഞ്ഞു.
