HIGHLIGHTS : മനാമ: രാജ്യത്ത് മനുഷ്യാവകാശ പ്രവര്ത്തനം നടത്തുന്നു വെന്ന പേരില് ഭീകര സംഘടനയുണ്ടാക്കി പ്രവര്ത്തിച്ചുവന്ന രണ്ടു പേര് അറസ്റ്റില്. ടെറര് ക്രൈം പ്...
മനാമ: രാജ്യത്ത് മനുഷ്യാവകാശ പ്രവര്ത്തനം നടത്തുന്നു വെന്ന പേരില് ഭീകര സംഘടനയുണ്ടാക്കി പ്രവര്ത്തിച്ചുവന്ന രണ്ടു പേര് അറസ്റ്റില്. ടെറര് ക്രൈം പ്രൊസിക്യൂഷന് ചീഫ് അഡ്വ.ജനറല് അഹമ്മദ് അല് ഹമ്മാദി അറിയിച്ചു. സംഘടനയുടെ സ്ഥാപകനും സഹായിയുമാണ് പിടിയിലായത്.
നിയമവിരുദ്ധ സംഘടനയുണ്ടാക്കൽ, രാജ്യത്തിെൻറ വിവിധ ഏജൻസികളുടെ പ്രവർത്തനം തടസപ്പെടുത്തൽ, ജനങ്ങളുടെ സ്വാതന്ത്ര്യം തടയൽ, ഭീകരതയിലൂടെ ദേശീയ െഎക്യം തകർക്കൽ, ബഹ്റൈന് പുറത്തുള്ള ഭീകര ഗ്രൂപ്പുമായി ബന്ധം സ്ഥാപിക്കൽ, ഭീകര പ്രവർത്തനങ്ങൾക്കായി പണം സമാഹരിക്കൽ, രാജ്യവിരുദ്ധ സംഘടനയിൽ നിന്ന് ഉപഹാരങ്ങൾ സ്വീകരിക്കൽ എന്നീ കുറ്റങ്ങൾ ഇവർക്കെതിരെ ചുമത്തി.
സുരക്ഷ ഉദ്യോഗസ്ഥർക്കുനേരെ ആക്രമണം നടത്തൽ, ക്രമസമാധാനവും സുരക്ഷയും തകർക്കാനായി വ്യാജ പ്രചാരണം എന്നീ കുറ്റങ്ങളും ചുമത്തിയിട്ടുണ്ട്. ‘മനാമ ഹ്യൂമൻറൈറ്റ്സ് ഒബ്സർവേറ്ററി’ എന്ന പേരിലാണ് സംഘടന പ്രവർത്തിച്ചിരുന്നത്.
ഇവർക്ക് ലബനാനിലെ ഹിസ്ബുല്ല ഗ്രൂപ്പിൽ നിന്ന് ധനസഹായം ലഭിച്ചതായി പറയുന്നു. ലബനാനിൽ താമസിക്കുന്ന ബഹ്റൈനി പൗരൻ വഴിയാണ് പണം ലഭിച്ചത്.അറസ്റ്റിലായവരെ റിമാൻറ് ചെയ്തു.