മൂന്ന് കേന്ദ്ര മന്ത്രിമാര്‍ കൂടി രാജിവെച്ചു.

ദില്ലി: മൂന്ന്  കേന്ദ്ര മന്ത്രിമാര്‍ കൂടി രാജിവെച്ചു മന്ത്രിസഭാ പുനസംഘടനയ്ക്ക് മുന്നോടിയാണ് കൂട്ട രാജി. ടൂറിസം മന്ത്രി സുബോ. കേന്ദ്രദ് കാന്ത് സഹായി, വാര്‍ത്താ വിതരണ വകുപ്പ് മന്ത്രി അംബികാ സോണി, സാമൂഹ്യക്ഷേമ വകുപ്പ് മന്ത്രി മുകുള്‍ വാസ്‌നിക് എന്നിവരാണ് ഇന്ന് മന്ത്രിസ്ഥാനം രാജിവെച്ചത്.

അംബികാ സോണിയെ കോണ്‍ഗ്രസ് അധ്യക്ഷ സോണിയ ഗാന്ധിയുടെ രാഷ്ട്രീയകാര്യ സെക്രട്ടറിയായി നിയമിക്കുമെന്നും റിപ്പോര്‍ട്ടുകളുണ്ട്. നിലവിലെ സെക്രട്ടറി അഹമ്മദ് പട്ടേലിന് പുറമേയാണ് അംബികയെ കൂടി ഈ സ്ഥാനത്തേക്ക് നിയമിക്കുന്നത്. എന്നാല്‍ കല്‍ക്കരി അഴിമതി വിഷയത്തില്‍ ആരോപണ വിധേയനായ സുബോദ് കാന്ത് സഹായിലെ പുനസംഘടനയില്‍ ഒഴിവാക്കിയേക്കുമെന്ന് റിപ്പോര്‍ട്ടുകളുണ്ടായിരുന്നു. ഇതേതുടര്‍ന്നാണ് അദ്ദേഹം രാജിവെച്ചതെന്നാണ് റിപ്പോര്‍ട്ട്.

അംബികാ സോണിയും മുകുള്‍ വാസ്‌നികും പാര്‍ട്ടി സ്ഥാനങ്ങളിലേക്ക് മടങ്ങാന്‍ താത്പര്യമുണ്‌ടെന്ന് സോണിയ ഗാന്ധിയെ അറിയിച്ചിരുന്നു. ഇതിന്റെ അടിസ്ഥാനത്തിലാണ് ഇരുവരും രാജിവെച്ചതെന്നാണ് സൂചന.