ജില്ലയില്‍ 2,298 പോളിങ്‌ സ്റ്റേഷനുകള്‍; കൂടുതല്‍ വണ്ടൂരില്‍

Story dated:Thursday March 31st, 2016,11 32:am

മലപ്പുറം: നിയമസഭ തെരഞ്ഞെടുപ്പിന്‌ ജില്ലയിലെ 16 മണ്‌ഡലങ്ങളിലായി 2,298 പോളിങ്‌ സ്റ്റേഷനുകള്‍ ക്രമീകരിക്കുമെന്ന്‌ ജില്ലാ കലക്‌ടര്‍ ടി.ഭാസ്‌കരന്‍ അറിയിച്ചു. ഏറ്റവും കൂടുതല്‍ പോളിങ്‌ സ്റ്റേഷനുകള്‍ വണ്ടൂര്‍ (171) നിയോജകമണ്‌ഡലത്തിലും ഏറ്റവും കുറവ്‌ താനൂര്‍ (120) മണ്‌ഡലത്തിലുമാണ്‌. വേങ്ങര-128, തവനൂര്‍-129, നിലമ്പൂര്‍-161, മലപ്പുറം-154, പെരിന്തല്‍മണ്ണ-156, ഏറനാട്‌-136, വള്ളിക്കുന്ന്‌-139 എന്നിങ്ങനെ പോളിങ്‌ സ്റ്റേഷനുകളാണുണ്ടാവുക. തിരൂരങ്ങാടി, കോട്ടക്കല്‍, കൊണ്ടോട്ടി മണ്‌ഡലങ്ങളില്‍ 140 വീതം പോളിങ്‌ സ്റ്റേഷനുകളും മഞ്ചേരി, പൊന്നാനി മണ്‌ഡലങ്ങളില്‍ 143 വീതവും, തിരൂര്‍, മങ്കട മണ്‌ഡലങ്ങളില്‍ 149 വീതവും പോളിങ്‌ സ്റ്റേഷനുകള്‍ ക്രമീകരിക്കും.